#SiPagIbig

Nagsimula ang lahat sa isang simpleng hi at hello. Lumalim ang lahat nang magtagpo ang ating mga isip kahit na malayo man pero may bagay pa rin na nag-uugnay  sa atin. Salamat talaga sa CHAT at sa TEXT buti na lang din talaga at pareho tayo ng NETWORK hahahaha!!! Lumipas ang mga araw nakaramdam ako ng kakaibang saya sa tuwing kausap ka, komportable ako na kapalitan kita ng aking mga ideya. Ang paminsang-minsan na kumustahan nauwi na sa madalas na kwentuhan—oo aaminin ko kinikilig ako sa tuwing ka-text ka.

Hanggang sa palagay ko ay nagugustuhan na kita, hindi man kita nakikita pero sa tuwing magkausap tayo sa text at sa chat, nabubuo talaga ang araw ko. Ibang saya at kilig lagi ang nadarama ko. Lalo na sa mga pagkakataon na hinihingian mo ako ng kung ano man ang aking ideya tungkol sa isang bagay. Di naman ako umaasa na meron ka rin pagtingin sa akin (mahirap mag-assume) pero yun feeling na pinagkakatiwalaan mo ako (grabe kilig talaga hahaha)

Hindi ko na maipaliwanag ang nadarama ko gusto kita laging kausap, kulang ang araw o ang linggo ko kapag hindi ka nagpaparamdam. Naiinis ako kapag hindi mo ako napapansin. Hindi lang yata kita gusto inlab na ta talaga ako sa yo.

Nasasaktan talaga ako kapag naiisip ko na may ibang nagpapasaya sayo. Dumating ang araw na bilang na lang ang pagtetext mo sa akin, ang pag-chat mo sa akin, hindi na tulad nang dati parang load lang, REGULAR at UNLIMITED. Minsan naiisip ko na I LOVE YOU na lang ang kulang na sabihin natin sa isa’t-isa (ang assuming ko naman). Paano naman kasi, nagpapalitan tayo ng “Goodmorning” at “Goodnight” minsan muntik na ako magkamali at dugtungan ng I LOVE YOU hahaha. Iniisip talaga kita lagi. Kinikilig talaga ako kapag tinetext mo ako na hindi na makatulog, at sa tuwing nagkwekwento ka tungkol sa sarili mo, sa ginagawa mo pati ang paborito mong teleserye. Ako naman tuwang tuwa na binabasa ang mga text mo. Kung personal tayo magkausap, makikinig lang ako sa yo. Ikinatuwa ko rin nang lubos ang pagsasabi mo sa akin ng mga kalokohan at kakulitan mo pati mga SECRETS mo (may pang block-mail pala ako sa yo haha) Siguro kaya nahulog ang loob ko sa yo kasi napaka natural lang, at siguro gusto ko yun feeling na naging komportable ka sa akin at ganun din ako sa yo.

Kaya lang, isang gabi, nagsabi ka sa akin na nag-away kayo ng CRUSH mo. Bago yun, may mga nabasa na ako na meron kang hinihintay at ramdam ko hindi ako yun (ouch! ang sakit grabe) Ayun na nga, nagsabi ka na nag-away kayo at umiyak ka nang matindi. (Ako naman nasasaktan, dahil umiyak ka) Loko yun ah, gusto nga na lagi kang masaya tapos paiiyakin ka lang, pero sabi mo nga hindi mo hinayaan na matapos ang gabi na hindi kayo nagkaka-ayos (ayyyy…….napaka-gentleman mo naman)

Ngayon bigla na lang din nagbago ang lahat, hindi na REGULAR at UNLIMITED ang lahat tulad nang dati. Pero hindi mo pa rin naman ako nakakalimutan (yun lang sapat na ) Ikaw pa rin naman ang nauuna na bumati sa akin (uyyy..kilig na naman ako) nahihiya kasi ako mauna mag-aaproach pero kung alam mo lang, gustong-gusto kita lagi kausap sa TEXT at CHAT, hindi ko nga lang din alam kung ganun din sa personal.

Tinaman na ata ako sa yo, ok lang kahit wala ka nararamdaman para sa akin, sapat na ang FRIENDZONED, naramdaman ko naman na espesyal ako kasi pinagkakatiwalaan mo ako sa mga maliliit na detalye sa buhay mo 🙂 uy di mo pa nabibigay yun key chain sa akin (para may remembrance ako 🙂

Advertisements