Ang ingay na ng mundo ngayon.
Iba’t-ibang tinig ang maririnig—saya, lungkot, tagumpay, pagkabigo
Kaliwa. Kanan.
Bawat isa ay may kwento
Pero walang nakikinig
Lahat ay gusto magsalita
Opinyon ko, opinyon mo
Walang nagbibigay
Walang nagpaparaya
Lahat gusto makisali, makigulo
Opinyon mo, opinyon ko
Tila ba bahala ka na kung saan ka patungo
Hindi naririnig
Ang tunay na mensahe
Bakit hindi mo hayaang manatili at huminto sandali
Payapain ang sarili
Makipaglaro sa katahimikan
Damhin kahit saglit ang kapayapaan ng mundo
Sa kabila ng hilahil at pagod na isip
Katawang bata sa maghapong gawa
Piliin mo saglit ang katahimikan
Payapain ang kaluluwa
Muling damhin ang enerhiya
Mula sa katahimikan
